தலைமுறைகளின் அன்பு புடை சூழ 89 ஆவது பிறந்தநாளைக் கொண்டாடிய முன்னாள் அமைச்சர் பௌசி

முன்னாள் அமைச்சர் ஏ.எச்.எம். பௌசி, தனது 89 ஆவது பிறந்த நாளை, நேற்று (13) செவ்வாய்க்கிழமை இரவு தனது குடும்பத்தினரின் அன்பும் பாசமும் சூழ கோலாகலமாகக் கொண்டாடினார்.

இந்த நெகிழ்ச்சியான குடும்ப ஒன்று கூடலில் அவரது பிள்ளைகள், பேரப்பிள்ளைகள், கொள்ளுப் பேரப்பிள்ளைகள், மருமக்கள், சகோதர சகோதரிகள் எனப் பல தலைமுறைகளைச் சேர்ந்த குடும்ப உறுப்பினர்கள் ஒன்று கூடி அவருக்கு வாழ்த்துத் தெரிவித்தனர்.

வெறுமனே ஒரு பிறந்த நாளைக் கொண்டாடுவது மட்டுமல்லாமல், வாழ்நாள் முழுவதும் சேர்த்து வைத்த இனிய நினைவுகள், குடும்ப பந்தங்கள் மற்றும் ஒற்றுமையைப் போற்றும் வகையில் இந்த நிகழ்வு அமைந்திருந்தது.

அன்பான தந்தையாக, தாத்தாவாக, கொள்ளுத் தாத்தாவாக, மாமாவாக, சகோதரராகத் திகழும் பௌசியை கௌரவிக்கும் வகையில், அந்த இனிய மாலைப் பொழுது முழுவதும் அன்பும், மகிழ்ச்சியும், உளப்பூர்வமான வாழ்த்துக்களும் நிறைந்திருந்தது.

பிறந்தநாள் என்பது வருடங்கள் கடந்து செல்வதைக் குறித்தாலும், தலைமுறைகள் தாண்டிய குடும்பத்தின் அன்பே மிகப் பெரிய பரிசு என்பதை, இந்தக் கொண்டாட்டம் அழகாக நினைவூட்டியது.

தனது 89 ஆவது வயதில் இந்த அற்புதமான மைல்கல்லை எட்டியுள்ள ஏ.எச்.எம். பௌசியின் இந்த பிறந்த நாள் கொண்டாட்டம், நன்றியுணர்வு, பெருமை மற்றும் பாசத்துடன் என்றும் நினைவில் கொள்ளத்தக்க ஒரு பொக்கிஷமான குடும்பத் தருணமாக அமைந்திருந்தமை குறிப்பிடத்தக்கது.

( ஐ. ஏ. காதிர் கான் )