அகில இலங்கை YMMA பேரவை, முன்னாள் தேசியத் தலைவர் ஜிஃப்ரி ஹனீஃபாவை கௌரவித்தது
தற்போது குறுகிய கால விஜயமொன்றை மேற்கொண்டு இலங்கைக்கு வருகை தந்துள்ள திரு. ஜிஃப்ரி ஹனீஃபாவை கௌரவிக்கும் வகையில், அகில இலங்கை YMMA பேரவையின் (ACYYMMA) அறங்காவலர் சபையினரால் விசேட நட்புறவு இராப்போசன நிகழ்வொன்று ஏற்பாடு செய்யப்பட்டது.
இந்நிகழ்வு பம்பலப்பிட்டியிலுள்ள எலைட் உணவகத்தில் நடைபெற்றது. பேரவையுடன் நீண்டகாலமாக இணைந்து பணியாற்றி வரும் அவரது சேவைகளை நினைவுகூரும் வகையில், அறங்காவலர் சபை உறுப்பினர்கள் இந்நிகழ்வில் ஒன்றுகூடினர்.
இந்நிகழ்வின்போது, அகில இலங்கை YMMA பேரவையின் முன்னாள் தேசியத் தலைவரும், அவ்வமைப்பில் மிக நீண்டகாலமாகப் பணியாற்றி வரும் உறுப்பினர்களில் ஒருவருமான திரு. ஜிஃப்ரி ஹனீஃபாவுக்கு பேரவைக்காக அவர் ஆற்றிய மகத்தான பங்களிப்பைப் பாராட்டி அங்கீகரிக்கும் வகையில் நினைவுப் பாராட்டுப் பலகை வழங்கிக் கௌரவிக்கப்பட்டார்.
அமைப்பின் மீதான அவரது அளவற்ற ஆர்வம், அசைக்க முடியாத அர்ப்பணிப்பு, தன்னலமற்ற சேவை மற்றும் பெறுமதிமிக்க வழிகாட்டுதல் ஆகியவற்றைப் பாராட்டும் வகையில் இக்கௌரவம் வழங்கப்பட்டது.
அகில இலங்கை YMMA பேரவையின் வளர்ச்சி, முன்னேற்றம் மற்றும் தொடர்ச்சியான வெற்றிக்கு அவரது பங்களிப்புகள் பெரிதும் உறுதுணையாக அமைந்துள்ளன.
திரு. ஹனீஃபா பல ஆண்டுகளாக அமைப்பிற்கு ஆற்றிய சிறப்பான சேவைகளையும், தொடர்ச்சியான அர்ப்பணிப்பையும் கௌரவிக்கும் பொருத்தமான நிகழ்வாக இந்த நட்புறவு இராப்போசனம் அமைந்தது.
அமைப்பின் வளர்ச்சிக்காக அவர் வழங்கிய விலைமதிப்பற்ற பங்களிப்புகளின் மீது அறங்காவலர் சபையினர் கொண்டுள்ள ஆழ்ந்த மதிப்பையும் நன்றியுணர்வையும் இந்நிகழ்வு வெளிப்படுத்தியது.
இந்நிகழ்வில் அகில இலங்கை YMMA பேரவையின் முன்னாள் தேசியத் தலைவர்கள் மற்றும் மூன்று முக்கிய நிர்வாக அதிகாரிகள் உள்ளிட்ட பலரும் கலந்து கொண்டு சிறப்பித்தனர்.
