கொழும்பு பல்கலைக்கழக மருத்துவபீட மாணவிக்கு 16 தங்கப் பதக்கங்கள்!

கொழும்புப் பல்கலைக் கழக மருத்துவ பீட மாணவி டாக்டர் ஹாசினி, தனது சிறந்த கல்விச் சாதனைகளுக்காக கொழும்புப் பல்கலைக் கழகத்தின் மருத்துவ பீட பட்டமளிப்பு விழாவின்போது 16 தங்கப் பதக்கங்களை வென்று சிறப்பு அங்கீகாரம் பெற்றுள்ளார்.

MBBS பிரிவில் முதன்மை மாணவியாகத் திகழ்ந்த இவர், இறுதி MBBS தேர்வு உள்ளிட்ட ஐந்து பாடப் பிரிவுகளில் முதல் வகுப்பு சிறப்புத் தேர்ச்சி பெற்றுள்ளதாகத் தெரிவிக்கப்பட்டுள்ளது.

இவரது அர்ப்பணிப்பு, ஒழுக்கம் மற்றும் விடா முயற்சிக்கு கிடைத்துள்ள இந்தச் சாதனைக்கு, இலங்கை வாழ் அனைத்து இன மக்களும் சமய வேறுபாடுகளின்றி தமது மனமார்ந்த வாழ்த்துக்களைத் தெரிவித்து வருகின்றனர்.

( ஐ. ஏ. காதிர் கான் )