பல தடவைகள் மழை பெய்யலாம்

மேல், சப்ரகமுவ மாகாணங்களிலும் கண்டி, நுவரெலியா, காலி, மாத்தறை மாவட்டங்களிலும் பல தடவைகள் மழை பெய்யக்ககூடும் என வளிமண்டலவியல் திணைக்களம் எதிர்வு கூறியுள்ளது.

ஊவா மாகாணம், அம்பாறை, மட்டக்களப்பு மாவட்டங்களிலும் பிற்பகல் 2.00 மணிக்குப் பிறகு சில இடங்களில் மழை அல்லது இடியுடன் கூடிய மழை பெய்யலாம்.

மத்திய மலைநாட்டின் மேற்கு சரிவுப் பகுதிகள் வடக்கு, வடமேல் மாகாணங்கள், திருகோணமலை, ஹம்பாந்தோட்டை மாவட்டங்களில் அவ்வப்போது மணிக்கு 50 கிலோமீட்டர் வேகத்தில் பலத்த காற்று வீசக்கூடும் என எதிர்பார்க்கப்படுகிறது. 

மேலும் இன்று (30) நண்பகல் 12.11 மணியளவில் வான்கலை, ஓமந்தை, வேதகிலங்குளம், கெலபோகஸ்வெவ, திரிய ஆகிய பிரதேசங்களில் சூரியன் உச்சம் கொடுக்கும் எனவும் திணைக்களம் எதிர்வு கூறியுள்ளது.