விலங்குகளை வேட்டையாடி இறைச்சியாக்கிய இருவர் கைது..!

சிட்டிகல உலர் வனப்பகுதியில் நடமாறித்திரிகின்ற மான் உள்ளிட்ட மிருகங்களை வேட்டையாடி இறைச்சியாக்கி விற்பனை செய்து வந்த இருவரை கனேவல்பொல வனவிலங்கு பாதுகாப்பு அலுவலக உத்தியோகத்தர்கள் கைது செய்துள்ளனர்.

கனேவெல்பொல வனவிலங்கு பாதுகாப்பு அலுவலகத்திற்கு கிடைக்கப்பெற்ற தகவல் ஒன்றிற்கமைய மேற்கொள்ளப்பட்ட சுற்றிவளைப்பின் போது 40 கிலோ இறைச்சியை கைப்பற்றியுள்ளனர்.

வெலிமட மற்றும் மதவாச்சி பகுதியைச் சேர்ந்த இருவரே கைது செய்யப்பட்டுள்ளனர்.
இவர்கள் இருவரும் ஒப்பந்த அடிப்படையில் கனேவெல்பொல பகுதியில் தங்கி இருந்து தொழில் புரிந்து வரும் நிலையில் காட்டு மிருகங்களை வேட்டையாடி வந்துள்ளதாக வனவிலங்கு பாதுகாப்பு அலுவலக உத்தியோகத்தர்கள் தெரிவித்தனர்.

கைப்பற்றப்பட்ட இறைச்சியுடன் இரு சந்தேக நபர்களை கெக்கிராவ நீதி மன்றில் ஆஜர்படுத்தியுள்ளனர்.

(எம்.ரீ.ஆரிப் அநுராதபுரம்)