தம்புத்தேகம விபத்தில் ஒருவர் பலி இருவர் காயம்

நொச்சியாகம பொலிஸ் பகுதிக்குட்பட்ட  தம்புத்தேகம வீதியில் 04 ஆவது மைல்கல் அருகில் இடம்பெற்ற வாகன விபத்தில் ஒருவர் உயிரிழந்துள்ளதுடன் இருவர் காயமடைந்துள்ளனர்.

தம்புத்தேகம பகுதியில் இருந்து நொச்சியாகம நோக்கிப் பயணித்த தனியார் பஸ் ஒன்று எதிர்த்திசையில் பயணித்த முச்சக்கர வண்டியுடன் மோதி குறித்த விபத்து இடம்பெற்றுள்ளது.

நொச்சியாகம பகுதியைச் சேர்ந்த 41 வயதுடைய நபரொருவரே உயிரிழந்துள்ளார்.

விபத்தின் போது முச்சக்கர வண்டியின் சாரதியும் பின்புறத்தில் அமர்ந்திருந்த பெண்ணும் நபரும் படுகாயமடைந்த நிலையில் தம்புத்தேகம வைத்தியசாலையில் அனுமதிக்கப்பட்ட பின்னர் பின்புறத்தில் அமர்ந்திருந்த நபர் சிகிச்சை பலனின்றி உயிரிழந்துள்ளார்.

இதனையடுத்து பஸ் சாரதி சந்தேகத்தின் பேரில் கைது செய்யப்பட்டுள்ளார்.

சம்பவம் தொடர்பில் மேலதிக விசாரணைகளை நொச்சியாகம பொலிசார் மேற்கொண்டு வருகின்றனர்.

(எம்.ரீ.ஆரிப் அநுராதபுரம்)