இலக்கியத்துக்கான இளம் கலைஞர் விருது நஸார் இஜாஸுக்கு அறிவிக்கப்பட்டுள்ளது.

கிழக்கு மாகாண பண்பாட்டலுவல்கள் திணைக்களத்தினால் வருடாந்தம் நடத்தப்பட்டு வரும் கிழக்கு மாகாண இலக்கிய விழாவின் 2024 ஆண்டுக்கான இலக்கியத்துக்கான இளங்கலைஞர் விருது இவ்வருடம் எழுத்தாளர் நஸார் இஜாஸுக்கு அறிவிக்கப்பட்டிருக்கிறது.

கிழக்கு மாகாண இலக்கிய விழா – 2024 ஆம் ஆண்டுக்கான தேர்வு முடிவுகளை கிழக்கு மாகாண பண்பாட்டலுவல்கள் திணைக்களம் நேற்று (05) வெளியிட்டுள்ளது. அதிலேயே இலக்கியத்துறைக்கான விருது விருது நஸார் இஜாஸ் என்பவருக்கு அறிவிக்கப்பட்டுள்ளது.

திருகோணமலை மாவட்டத்தின் கிண்ணியா பிரதேசத்தை சேர்ந்த இவர், தனது பாடசாலைக் கல்வியை கிண்ணியா மத்திய கல்லூரி (தேசியப் பாடசாலை)யில் பயின்றவர். பள்ளிக் கல்வியின் பின்னர் தனது பட்டப்படிப்பை பூர்த்தி செய்து, இலங்கை தென்கிழக்குப் பல்கலைக்கழகத்தில் பட்டப்பின் கற்கையை பூர்த்தி செய்து முதுகலைமாணியையும் தொடகின்றார்.

தற்போது 1000 இற்கும் அதிகமான மாணவர்கள் உள்ளடங்கிய பிரபல கல்லூரியொன்றில் மாணவர் திறன் விருத்தி உத்தியோகத்தராக பணியாற்றி வருகின்ற இவர், இலக்கியம் மாத்திரமன்றி, ஊடகத்துறையிலும் அதீத ஈடுபாடு கொண்ட இவருடைய ஆக்கங்கள் தேசிய மற்றும் சர்வதேச பத்திரிகைகள், சஞ்சிகைகள், இணையத்தளங்களில் பரவலாக வருவதுடன், 2018 இல் இந்திய அரசாங்கத்தினால் நடாத்தப்பட்ட கட்டுரைப் பொட்டியொன்றில் இலங்கை சார்பாக பங்கேற்று வெற்றியீட்டி சர்வதேச விருதையும் பெற்றுக் கொண்டமையும் குறிப்பிடத்தக்கது.