மஸ்ஸல ரஹ்மானிய்யா குர்ஆன் மதுறஸாவில் மீலாத் பரிசளிப்பு விழா
பேருவளை மஸ்ஸல சமத் மாவத்தையில் உள்ள அல் மத்ரஸத்துல் ரஹ்மானிய்யா குர்ஆன் மத்ரஸாவின் வருடாஅந்த மீலாதுன் நபி விழாவும், சன்மார்க்க அறிவுப் போட்டிகளில் பங்குபற்றி வெற்றி பெற்றோருக்கு பரிசில்கள் வழங்கும் நிகழ்வும் மத்ரஸா முற்றவெளியில் நடைபெற்றன.
அதிபர் மெளலவி உமைர் அலி (அஷ்ரபி) தலைமையில் நடைபெற்ற நிகழ்வில் நாடகம், அறிவுக் களஞ்சியம், கிராஅத், கிராஅத் மனனம், கஸீதா, இஸ்லாமிய கீதம், பேச்சு உள்ளிட்ட மேலும் பல போட்டிகள் இடம் பெற்றமை இங்கு குறிப்பிடத்தக்கது.
பேருவளை மொல்லியமலை ஹிழ்ரியா குர்ஆன் மத்ரஸா அதிபர் அஸ்ஸெய்யித் மெளலவி ஜெளபர் மெளலானா (மக்கி) விஷேட பேச்சாளராக கலந்து கொண்டார்.
பள்ளிவாசல் நிர்வாகிகளான முஹம்மத் ஹாஜியார், முஹம்மத் மில்ஹான், முஹம்மத் நஸார், முஹம்மத் முர்ஸி ஆகியோரின் வழிகாட்டலின் கீழ் பிரதேசவாசிகளின் முழுமையான ஒத்துவைப்புடன் இந்த விழா மிக விமர்சையாக நடை பெற்றன.
மத்ரஸத்துல் ரஹ்மானிய்யா குர்ஆன் மத்ரஸா சிறார்களின் சன்மார்க்க அறிவுப் போட்டிகளுக்கான தயாரிப்புக்களை பெற்றுக் கொடுப்பதில் மெளலவி முஹம்மத் சியாம் பங்களிப்புச் செய்தார்.
நிகழ்வில் உரையாற்றிய பலர் சிறார்களின் திறமைகளை பாராட்டிப் பேசினார்கள். பெற்றோர்கள், பள்ளிவாசல் நிர்வாகிகள், பிரமுகர்கள் பலரும் விழாவில் பங்குபற்றினர்.
(பேருவளை பீ.எம் முக்தார்)