அ.இ.ஜ.உலமா புத்தளம் கிளையின் ஏற்பாட்டில் கற்றல் இரகசியங்கள் தொடர்பான செயற்பாட்டமர்வு

அகில இலங்கை ஜம்இய்யத்துல் உலமா புத்தளம் நகரக் கிளையின் கல்வி உபக்குழுவின் ஊடாக ஏற்பாடு செய்யப்பட்ட கற்றல் இரகசியங்கள் தொடர்பான செயற்பாட்டமர்வு வெற்றிகரமாக நிறைவு.

புத்தளம் மணல் குன்று முஸ்லிம் மகா வித்யாலயத்தின் தரம் 10, 11 ஆம் தர பெண் மாணவிகளுக்கான கற்றலை மேம்படுத்தும் வேலை திட்டத்தின் கீழ் பாடசாலையோடு இணைந்து அகில இலங்கை ஜம்இய்யத்துல் உலமா புத்தளம் நகரக் கிளை கல்விப் பிரினால் ஏற்பாடு செய்யப்பட்டிருந்த மேற்படி செயல் அமர்வு வெள்ளிக்கிழமை காலை 2024.11.01 பாடசாலை அதிபர் தலைமையில் இடம் பெற்றது.

இதன் போது வளவாளராக அஷ்ஷேக் இஹ்ஸான் (அந்நவவி) அவர்கள் வருகை தந்து மாணவர்களின் இலக்கு மற்றும் கற்றல் ஆர்வத்தை மேம்படுத்துவதற்கான வழிகாட்டல்களை வழங்கினார்.
அல்லாஹூ தாஆலா அவரின் வாழ்க்கையில் பரகத் செய்வானாக.

மாணவர்கள் உற்சாகமாக செயல்படுவதை அவதானிக்க கூடியதாக இருந்தது தொடர்ந்தும் இவ்வாறான செயற்பாடுகளை முன்னெடுக்குமாறு பாடசாலை நிர்வாகம் வேண்டிக் கொண்டது.

நிகழ்வுக்கு ஒத்துழைப்பு வழங்கிய பாடசாலையின் அதிபர் ஆசிரியர்கள் ஆசிரியைகள் பழைய மாணவர்கள் மற்றும் பாடசாலை மாணவர்கள் சகலருக்கும் இறைவன் பெறுமதியான நற்பாக்கியங்களை வழங்குவானாக.

கல்வி உபக்குழு தலைவர்
அஷ்ஷேக் ஸல்மான் இஹ்ஸானி
அகில இலங்கை ஜம்இய்யத்துல் உலமா
புத்தளம் நகரக் கிளை