அகில இலங்கை தமிழ் மொழித் தின தேசிய மட்டப் போட்டிகளில் கு/பறகஹதெனிய தேசிய பாடசாலை சாதனை.

அகில இலங்கை தமிழ்மொழித்தினப் போட்டி நிகழ்ச்சிகளில் கவிதை ஆக்கப் போட்டியில் கு /பறகஹதெனிய தேசிய பாடசாலை முதலாம் இடத்தினைப் பெற்று வடமேல் மாகாணத்திற்கு பெருமை சேர்த்துத் தந்த பாடசாலையாக மிளிர்கின்றது.

பாடசாலையின் 2024ம் ஆண்டு அகில இலங்கை தமிழ்மொழித்தின போட்டி நிகழ்ச்சிகளை மிகச் சிறப்பாக
ஒழுங்கு செய்து நடாத்துவதில் தலைமை வகித்த கௌரவ அதிபர் திரு M .I.அப்துர் ரஹ்மான், பிரதி அதிபர்களான திரு. M.A.M.ரிபாஸ் மற்றும் S.M. மிஸார் ஆகியோரின் வழிகாட்டல்களுக்கு அமைய தமிழ் மொழித் தின பொறுப்பாசிரியர் ஏ.எம்.அஸீம் அவர்களின் தலைமையின் கீழ் தமிழ்த்தினக்குழு ஆசிரியர்களின் பங்களிப்புடன் போட்டி நிகழ்ச்சிகள் முன்னெடுக்கப்பட்டன.

இதில் வலய மட்டத்தில் நடைபெற்ற 25 போட்டி நிகழ்ச்சிகளில் 12 முதலிடங்கள் மாகாண மட்டத்திற்கு தெரிவானதுடன், மாகாண மட்டத்தில் 04 முதலிடங்களைப் பெற்ற மாணவர்கள் தேசிய மட்டப் போட்டிகளுக்கு தெரிவு செய்யப்பட்டனர்.

தேசிய மட்டப் போட்டி நிகழ்ச்சிகளில் பிரிவு 05 கவிதை ஆக்கப் போட்டியில் M.A.நிஹ்மதுல்லாஹ், S.F.லமிறா தம்பதிகளின் புதல்வி N. நஹ்லா என்ற மாணவி தேசிய மட்டத்தில் முதலித்தைப் பெற்று பாடசாலைக்கும், சமூகத்திற்கும் அழியாப் புகழைத் தேடித் தந்திருக்கிறார் என்பது போற்றத்தக்கது.

இக்பால் அலி