நொச்சியாகம சுற்றுப் புற கிராமங்களில் சிறுத்தைகளின் நடமாட்டம்..! பிரதேச மக்கள் அச்சம்..!

நொச்சியாகம பகுதியிலுள்ள சில கிராமங்களில் சிறுத்தைகளின் நடமாட்டம் காணப்படுவதாக பிரதேச மக்கள் தெரிவிக்கின்றனர்.

நொச்சியாகம பகுயிலுள்ள குசும்புற ,கல்கிரியாகம, அம்பகஹவெவ மற்றும் கிம்புல்பெட்டியாவ ஆகிய கிராமங்களில் சிறுத்தைகளின் நடமாட்டத்தை காணக்கூடியதாகவுள்ளதாக தெரிவிக்கின்றனர். இதனால் அப்பகுதி மக்கள் அச்சத்துடன் வாழ்ந்து வருவதாகவும் தெரிவிக்கின்றனர்.

சிறுத்தைகளினால் கிராமங்களில் வீடுகளில் வளர்க்கப்படும் ஆடுகள்,மாடுகள் மற்றும் ஏனைய கால்நடைகள் கொல்லப்படுவதாவும் தெரிவிக்கின்றனர்.

குறித்த பகுதியில் சிறுத்தையின் நடமாற்றம் தொடர்பில் சம்பந்தப்பட்ட அதிகாரிகள் நடவடிக்கை எடுக்க வேண்டும் என பிரதேச மக்கள் கோரிக்கை விடுத்துள்ளனர்.

(எம்.ரீ.ஆரிப் அநுராதபுரம்)