பாகிஸ்தான் குண்டு வெடிப்பில் பாடசாலை மாணவர்கள் பலி.

பாகிஸ்தானில் இடம்பெற்ற குண்டு வெடிப்பில் 5 பாடசாலை மாணவர்கள் உட்பட 7 பேர் உயிரிழந்துள்ளதாக தகவல் வெளியாகியுள்ளது.

பாகிஸ்தானின் பலுசிஸ்தான் மாகாணத்தில் உள்ள மஸ்தங் மாவட்டத்தில் இன்று காலை 8.35 மணிக்கு பாடசாலை அருகே குண்டு வெடித்ததில் 5 பாடசாலை மாணவர்கள் உட்பட 7 பேர் உயிரிழந்துள்ளதுடன் 22 படுகாயமடைந்துள்ளனர்.

இந்த சம்பவத்தில்  காயமடைந்தவர்களில் பெரும்பாலானோர் பாடசாலை மாணவர்கள் எனவும் குண்டுவெடிப்பில் ஒரு பொலிஸ் வாகனம் மற்றும் சில முச்சக்கரவண்டிகளும் சேதமடைந்துள்ளதாகவும் தெரிவிக்கப்படுகிறது.

இந்த குண்டுவெடிப்பிற்கு காரணமானவர்கள் குறித்து பொலிஸார் விசாரணை நடத்தி வருகின்றனர்.