லெஜெண்ட்ஸ் FUTSAL கிண்ணம்; கல்பிட்டி BANAGO FC வசமானது

புத்தளம் லெஜெண்ட்ஸ் கழகத்தின் ஏற்பாட்டில் அணிக்கு ஐவர் கொண்ட Futsal உதைபந்தாட்ட போட்டித் தொடரின் இறுதிப் போட்டியில் ஹெலெண்டிகர்ஸ் அணியை 3:0 என்ற கோல்கள் அடிப்படையில் வீழ்த்தி சம்பியன் மகுடம் வென்றது கல்பிட்டி BANAGO FC அணி.

நேற்று 19ம் திகதி புத்தளம் Dreams Futsal மைதானத்தில் வெகு விமர்சையாக நடைபெற்ற புத்தளம் லெஜென்ட்ஸ் கிண்ண உள்ளக உதைப்பந்தாட்டத் தொடரில் 16 அணிகள் கலந்து கொண்டிருந்தன.

விலகல் முறையில் இடம்பெற்ற இத் தொடரின் அரையிறுதிப் போட்டிக்கு Kalpitiya Banago fc , Helendickers FC, Three Stars மற்றும் Al Ashraq B ஆகிய 04 அணிகள் போட்டியிட்டிருந்தன.

அதற்கமைய Helendickers FC மற்றும் Banago FC ஆகிய அணிகள் இத் தொடரின் தீர்மானிக்க இறுதி போட்டிக்கு முன்னேறின. இவ் இறுதிப் போட்டியில் முதல் பாதி ஆட்டத்தில் Baango FC அணியின் ஆதிக்கம் அதிகமாக இருக்க அவ் அணியின் நட்சத்திர வீரரான அஹதிரினால் முதல் கோல் உள்ளனுப்பப்பட முதல் பாதி 1:0 என BANAGO FC வசமானது.

பின்னர் தொடர்ந்த ஆட்டத்தின் 2ஆம் பாதி ஆட்டத்தில் முதல் பாதியை விட ஆதிக்கம் செலுத்திய BANAGO FC க்கு முன்கள வீரரான நஸ்ரான் தொடராக இரு கோல்களை அடித்துக் கொடுக்க முழு நேர ஆட்ட முடிவில் 3:0 என்ற கோல்கள் அடிப்படையில் வெற்றி வாகை சூடிய கல்பிட்டி BANAGO FC அணி சம்பியன் மகுடத்தை யும் தனாதாக்கியது.

இத் தொடரின் தொடரின் சிறந்த வீரராக Helendickers அணியின் இமாத் தெரிவாக, இத் தொடரின் சிறந்த கோல்காப்பாளராக Banago FC அணியின் ரஸாத் தெரிவானமை குறிப்பிடத்தக்கது.

(அரபாத் பஹர்தீன்)