தொடரை வென்றது இலங்கை..!

மூன்று போட்டிகளைக் கொண்ட மேற்கிந்திய அணிக்கெதிரான ரீ20 தொடரை இலங்கை அணி கைப்பற்றியது. தொடர் வெற்றியைத் தீர்மானிக்கும் மூன்றாவது போட்டி தம்புள்ளையில் நடைபெற்றது. நாணயச் சுழற்சியை வென்று முதலில் துடுப்பெடுத்தாடிய மேற்கிந்திய தீவுகள் அணி 20 ஓவர் நிறைவில் 6 விக்கெட்டுகளை இழந்து 162 ஓட்டங்களை பெற்றது.பதிலுக்குத் துடுப்பெடுத்தாடிய இலங்கை அணி 18 ஓவர்களில் ஒரேயொரு விக்கெட்டினை மாத்திரம் இழந்து 163 ஓட்டங்களை பெற்று வெற்றியிலக்கை எட்டியது. இலங்கை அணி 9 ஆண்டுகளின் பின் முதற்தடவையாக மேற்கிந்திய அணிக்கெதிரான தொடரொன்றினை வென்றுள்ளது குறிப்பிடத்தக்கது.