கண்டி பகுதியில் ஏற்பட்ட மண்சரிவில் மீட்கப்பட்ட 24 சடலங்கள்..!

கண்டி மாவட்டத்தின் ரம்புகேவெல மற்றும் சரசவிகம பகுதிகளில் ஏற்பட்ட பெரிய மண்சரிவில் இதுவரை 24 பேரின் சடலங்கள் மீட்கப்பட்டுள்ளதுடன் 45 பேர் காணாமல் போயிருக்கலாம் என சந்தேகிக்கப்படுவதாக பொலிஸ் பிரிவு தெரிவித்துள்ளது.

ரம்புகேவெலவின் முதுனேகட பகுதியில் காணாமல் போன 43 பேரில் 10 பேரின் சடலங்கள் மீட்கப்பட்டுள்ளன. சரசவிகம பகுதியில் மண்சரிவில் புதையுண்ட வீடுகளிலிருந்து 14 சடலங்கள் மீட்கப்பட்டுள்ளன.

காணாமல் போனவர்களைத் தேடும் பணிகளை இராணுவம், பொலிஸார் மற்றும் பிரதேசவாசிகள் தீவிரமாக மேற்கொண்டு வருகின்றனர்.