கம்பளையை முற்றாக மூடிய காட்டாறு பெரு வெள்ளம்..!

கம்பளையில் 40 அடிக்கு மேல் வெள்ளம் 1000 கோடிக்கு மேல் சொத்துக்கள் சேதம். 100 பேருக்கு மேல் காணவில்லை. நுவரெலியா வீதி, கண்டி வீதி, நவாலப்பிட்டி வீதி, ஹெம்மாத்துகம வீதிகளும் அனைத்து வீதிகளும கடுமையான முறையில் சேதமுற்று போக்குவரத்து முற்றாகப் பாதிக்கப்பட்டுள்ளதுடன் தனது வீடு உட்பட தண்ணீரில் மூழ்கியுள்ளதாக கண்டி மாவட்டப் பாராளுமன்ற உறுப்பினர் பஸ்மின் ஷரீப் தெரிவித்தார்.
அவர் தொடர்ந்து கருத்து தெரிவிக்கையில்
மாவத்வத்துரப் பிரதேசம், கம்பளை வைத்தியசாலைப் பகுதி, கீல்ஸ் பகுதி, போத்தலப்பிட்டிய, இல்லவத்துர போன்ற சகல பகுதிகளும் வெள்ளத்தில் மூழ்கி பெரும் பாதிப்புக்குள்ளாகியுள்ளதாக என்று பாராளுமன்ற உறுப்பினர் பஸ்மின் ஷரீப் தெரிவித்தார்.
மாவட்ட செயலாளர், கண்டி மாவட்டப் பாராளுமன்ற உறுப்பினர் தரிந்து ஜயரத்ன. பள்ளிவாசல்களின் நிர்வாகம், கம்பளை பிரதேச செயலாளர் ஆத்மா திலுக்சு ஜயரத்ன, கம்பளை பொலிஸ் நிலையப் பொறுப்பதிகாரி நீல் கன்னங்கர, முப்படை வீரர்களும் மக்களை மீட்கின்ற முயற்சிகளில் ஈடுபட்டார்கள். காணமாற் போனவர்களில் 33 பேர்களுடைய சடலங்கள் கண்டி பிடிக்கப்பட்டுள்ளன.
மின்சாரம் இல்லை. சுத்தமான குடிநீர் வசதிகள் இல்லை போக்குவரத்து வசதிகள் இன்றி மக்கள் பெரும் துயரங்களை எதிர் நோக்கி வருகின்றார்கள். .
கம்பளை போத்தலப்பிட்டிய விஹாரை, கம்பளை டவுன் ஜும்ஆப் பள்ளிவாசல், கஹட்டப்பிட்டிய ஜும்ஆப் பள்ளிவாசல், கம்பளை கலாசார நிலையம், உள்ளிட்ட இன்னும் பல இடங்களில் மக்கள் அகதிகளாக குடியமர்த்தப்பட்டுள்ளார்கள் என்று அவர் தெரிவித்தார்.
அதேவேளை அக்குறணை ரம்புக்கெல்ல பிரதேசத்தில் ஏற்பட்ட மண்சரிவினால் 14 வீடுகள் சேதமுற்றுள்ளதுடன் பல பேர் காணாமற் போய் உள்ளார்கள். அதில் ஆறு சடலங்கள் இதுவரையில் இனங்காணப்பட்டுள்ளதாக என்று அவர் மேலும் தெரிவித்தார்.

(இக்பால் அலி)