அனுராதபுரத்தில் 1000 பேர் பாதிப்பு..!

நாட்டில் நிலவும் சீரற்ற வானிலை  காரணமாக அனுராதபுரம் மாவட்டத்தில் ஒருவர் உயிரிழந்துள்ளதுடன் 22 பிரதேச செயலகப் பகுதிகளுக்குட்பட்ட 400 குடும்பங்களைச் சேர்ந்த 1000 பேர் பாதிக்கப்பட்டுள்ளதாக அனுராதபுரம் மாவட்ட செயலாளர் தெரிவித்தார்.

குறித்த நபர் மரம் முறிந்து விழுந்து உயிரிழந்துள்ளார்.

அனுராதபுரம் மாவட்டத்தில் சீரற்ற வானிலை காரணமாக மரம் முறிந்து விழுதல் , கற்கள் சரிந்து விழுதல் மற்றும் வெள்ளை நீர் தேங்குதல் போன்ற அனர்த்தங்கள் ஏற்பட்டுள்ளன.

அனுராதபுரம் , தலாவ, கெப்பித்திகொல்லாவ , பழுகஸ்வெவ,  மகாவிலச்சிய , இராஞாங்கனை மற்றும் கல்நேவ ஆகிய பிரதேச செயலாளர் பகுதிகளைச் சேர்ந்த மக்கள் அதிகளவில் பாதிக்கப்பட்டுள்ளனர்.

பாதிக்கப்பட்டவர்களுக்கு தங்குமிட வசதிகள் மற்றும் உணவுகள் உள்ளிட்ட ஏனைய அடிப்படை வசதிகள் வழங்க நடவடிக்கை எடுக்கப்பட்டுள்ளதாக மாவட்ட செயலாளர் ரஞ்சித் விமலசூரிய தெரிவித்தார்.

சீரற்ற வானிலை காரணமாக பொதுமக்களை பாதுகாப்பாக இருக்குமாறு வேண்டுகோள் விடுத்துள்ளார்.

(எம்.ரீ.ஆரிப் அநுராதபுரம்)