இன்று கல்பிட்டியில் “STREET FOOD FESTIVAL” நிகழ்வு

கல்பிட்டி சுற்றுலா தொடர்பான வாழ்வாதார மேம்பாட்டுத் திட்டத்தின் அங்கமாக இன்றைய தினம் (26) மாலை 6 மணி முதல் இரவு 11 மணி வரை “STREET FOOD FESTIVAL” நிகழ்வு கல்பிட்டி நகரில் இடம்பெறவுள்ளது.

பல உள்நாட்டு மற்றும் வெளிநாட்டு சுற்றுலாப் பயணிகளின் செர்க்கபூமியாகக் காணப்படும் கல்பிட்டிப் பிரதேசத்தில் இத்துறையை மேலும் வளர்ச்சி பெற வைக்கும் நோக்குடனும், இப் பிரதேச மக்களின் வாழ்வாதாரத்தை உயர்த்தும் நோக்குடனும் வடமேல் மாகாண சபை, தொழில்துறை சேவைகள் பணியகம், கல்பிட்டி பிரதேச சபை மற்றும் கல்பிட்டி பிரதேச செயலகம் ஆகியவற்றின் அனுசரணையில், கல்பிட்டி சுற்றுலா தொடர்பான வாழ்வாதார மேம்பாட்டுத் திட்டம் (KALPITIYA FOOD FESTIVAL) அனும் தொனிப்பொருளில் இந்த நிகழ்வு இடம்பெறுகின்றது.

இதில் பல வகையான உணவுப் பண்டங்களைக் கொண்ட விற்பனைக் கூடங்கள் அமைக்கப்படவுள்ளமை குறிப்பிடத்தக்கது.

(அரபாத் பஹர்தீன்)