வவுனியா மாவட்ட ஸ்ரீலங்கா முஸ்லிம் காங்கிரஸ் கட்சியின் மத்திய குழு கூட்டம்

வவுனியா மாவட்ட ஸ்ரீலங்கா முஸ்லிம் காங்கிரஸ் அமைப்பாளர் என்.மாஹிர் தலைமையில் வவுனியா மாவட்ட கட்சியின் மத்திய குழுக்கூட்டம் நேற்று (07.03.2025) மாங்குளம், நேரிய குளத்தில் நடைபெற்றது.

நடைபெறவுள்ள உள்ளூராட்சி மன்றத் தேர்தல் தொடர்பான பல முக்கியமான விடயங்கள் கலந்துரையாடப்பட்ட இந்நிகழ்வில் ஸ்ரீலங்கா முஸ்லிம் காங்கிரஸ் கட்சியின் செயலாளரும், பாராளுமன்ற உறுப்பினருமான நிஸாம் காரியப்பர்(PC), ஸ்ரீலங்கா முஸ்லிம் காங்கிரஸ் கட்சியின் பிரதி தேசிய அமைப்பாளரும், திகாமடுல்ல மாவட்ட பாராளுமன்ற உறுப்பினருமான எம். எஸ்.உதுமாலெப்பை, மற்றும் வவுனியா நகரசபை முன்னாள் உறுபினர் ஏ.எல்.எம்.முனவ்வர் , மற்றும் ஸ்ரீலங்கா முஸ்லிம் காங்கிரஸின் வவுனியா மாவட்ட மத்திய குழு உறுப்பினர்களும் கலந்து கொண்டனர்.

(கே. எ. ஹமீட் )