கட்டார், இலங்கை வர்த்தக, முதலீட்டு ஊக்குவிப்பை வலியுறுத்திய புதிய தூதுவர்.

கட்டார் நாட்டிற்கான இலங்கையின் புதிய தூதுவராக நியமிக்கப்பட்டுள்ள சித்தாரா அஸ்ரப்கான் அசார்ட் 23 ஜனவரி 2025 அன்று தோஹாவிலுள்ள இலங்கைத் தூதரகத்தில் கடமைகளைப் பொறுப்பேற்றுக் கொண்டார்.

கடமைகளைப் பொறுப்பேற்றதைத் தொடர்ந்து ஊழியர்களிடம் உரையாற்றிய கான் அசார்ட் இலங்கை அரசாங்கத்தின் முன்னுரிமைகள் மற்றும் இலங்கைக்கும் கட்டாருக்கும் இடையிலான இருதரப்பு உறவுகளை வலுப்படுத்துவதற்கான திட்டங்களையும் கோடிட்டுக் காட்டினார். இரு நாடுகளுக்கும் இடையே வர்த்தகம் மற்றும் முதலீட்டை ஊக்குவிப்பது மற்றும் மக்களுக்கு இடையேயான உறவுகளை வலுப்படுத்துவது ஆகியவற்றின் அவசியத்தையும் அவர் வலியுறுத்தினார்.

இலங்கை வெளிநாட்டு சேவை அதிகாரியான இவர் தற்போது தூதுவராக நியமிக்கப்பட் டுள்ளார். 1998 இல் இலங்கை வெளிநாட்டு சேவையில் இணைந்து வெளிவிவகார அமைச்சில் பல்வேறு உயர் பதவிகளில் பணியாற்றியுள்ளார்.

வெளிநாட்டு வேலை வாய்ப்பு மற்றும் சுற்றுலா அமைச்சில் கடமையாற்றிய இவர் சமீபத்தில் சார்க் மற்றும் லத்தீன் அமெரிக்கா மற்றும் கரீபியன் நாடுகளின் கூடுதல் செயலாளராக உள்ளார். அவர் கத்தாரில் தூதுவராக கடமைகளை ஏற்றுக்கொள்வதற்கு முன்னர் அவர் இலங்கை தூதரகங்கள் மற்றும் லண்டன். சென்னை. தோஹா மற்றும் ஒட்டாவாவில் உள்ள தூதரகங்களில் பணியாற்றினார். அங்கு அவர் துணை உயர் ஸ்தானிகராகவும். செயல் உயர் ஆணையராகவும் பணியாற்றினார்.

துவராக நியமிக்கப்பட்டுள்ள சித்தாரா கான் அசார்ட் பேராதனைப் பல்கலைக்கழகத்தில் இளங்கலை கலைப் பட்டமும். இந்தியாவின் மெட்ராஸ் பல்கலைக்கழகத்தில் ஆங்கிலத்தில் முதுகலைப் பட்டமும் பெற்றுள்ளார். கொழும்பு மெதடிஸ்ட் கல்லூரியின் முன்னாள் மாணவியான இவருக்கு இரண்டு மகன்கள் உள்ளனர்.

தூதுவராக நியமிக்கப்பட்ட முதல் முஸ்லிம் பெண்மணி என்பதும் குறிப்பிடத்தக்கது. இவரின் தாயின் பெற்றோர் மன்னார் விடத்தல் தீவை பிறப்பிடமாக் கொண்டவர்கள் என்பதுடன் சித்தரா கான் கொழும்பில் பிறந்து வளர்ந்து உயர் கல்வியைக் கற்றவர் என்பதுடன் தமிழ், ஆங்கிலம், சிங்களம், கிந்தி உள்ளிட்ட பல மொழிகளிலும் பேசக் சுடியவர் என்பதும் அவரின் திறமையின் எடுத்துக் காட்டாகும்.

(ஏ.எஸ்.எம்.ஜாவித்)