கலாநிதி அரபாத் கரீமுக்கு ஜாமியா நளீமிய்யாவில் கெளரவம்

பேருவளை ஜாமியா நளீமிய்யா கலாபீட சிரேஷ்ட விரிவுரையாளர் கலாநிதி எம்.ஜே.எம் அரபாத் கரீமை கெளரவிக்கும் நிகழ்வொன்று மேற்படி கலாபீட பயிற்சி மற்றும் ஆராய்ச்சி நிலையத்தில் 26ஆம் திகதி (2025-01-26) மாலை நடைபெற்றது.

ராபிதத்துன் நளீமிய்யீன் பேருவளை வலய ஏற்பாட்டில் நடைபெற்ற இவ்விழாவுக்கு கலாபீட முதல்வர் அஷ்ஷெய்ஹ் ஏ.ஸீ அகார் முஹம்மத் (நளீமி) தலைமை வகித்தார்.

ராபிதத்துன் நளீமிய்யீன் பேருவளை வலய தலைவரும், விஸ்டம் சர்ழதேச பாடசாலையின் முகாமைத்துவ தலைவருமான அஷ்ஷெய்க். பெளஸர் ஹுஸைன் (நளீமி) வரவேற்புரை நிகழ்த்தினார்.

மிஷ்காத் ஆராய்ச்சி நிலைய ஸ்தாபகர் உஸ்தாத் எம்.ஏ.எம் மன்ஸுர் விஷேட பேச்சாளராக கலந்து கொண்டார்.

மலேசிய இஸ்லாமிய பல்கலைக்கழகத்தில் அண்மையில் கலாநிதி (PHD) பட்டம் பெற்றதை முன்னிட்டு இந்த கெளரவிப்பு நிகழ்வு ஒழுங்கு செய்யப்பட்டமை இங்கு குறிப்பிடத்தக்கது.

ஜாமியா நளீமிய்யா கலாபீட தலைவர் அல்-ஹாஜ் யாகூத் நளீம் உட்பட நிர்வாகிகள், விரிவுரையாளர்கள், மாணவர்கள், சீனன்கோட்டை பள்ளிச் சங்க தலைவர் எச்.எம் முக்தார் ஹாஜியார், இணைச் செயலாளர்களான எம்.எம்.எம் சிஹாப் ஹாஜியார், ரம்லான் அரூஸ் இணைப் பொருளாளர் ஏ.இஸட்.எம் ஸவாஹிர் ஹாஜியார் உட்பட உறுப்பினர்கள், ராபிதத்துன் நளீமிய்யீன் பேருவளை வலய உறுப்பினர்கள் உட்பட புத்திஜீவிகள், உலமாக்கள், பிரமுகர்கள் என பலரும் பங்கு பற்றினர்.

ராபிதத்துன் நளீமிய்யீன் பேருவளை வலயம் சார்பில் கலாநிதி அரபாத் கரீமுக்கு நினைவுச் சின்னமொன்றும் வழங்கப்பட்டமை இங்கு குறிப்பிடத்தக்கது.

(பேருவளை பீ.எம் முக்தார்)