தரம் ஐந்து புலமைப்பரிசில் பரீட்சையின் விடைத்தாள் மதிப்பீடு 08 முதல் 12 வரை

தரம் ஐந்து புலமைப்பரிசில் பரீட்சையின் விடைத்தாள் மதிப்பீடு, எதிர்வரும் 08 ஆம் திகதி முதல் 12 ஆம் திகதி வரை இடம்பெறவுள்ளதாக, இலங்கைப் பரீட்சை திணைக்களம் இன்று (04) அறிவித்துள்ளது.

இதேவேளை, அண்மையில் தரம் 5 புலமைப்பரிசில் பரீட்சைக்குத் தோற்றிய மாணவர்களுக்கு, கசிந்த மூன்று கேள்விகளுக்கும் இலவச புள்ளிகள் வழங்கப்படும் எனவும் அறிவித்துள்ளது.

குறித்த பரீட்சைக்கு முன்னதாக மூன்று கேள்விகள் கசிந்ததாக எழுந்த சர்ச்சைக்கு பதிலளிக்கும் வகையில், பரீட்சைகள் ஆணையாளர் நாயகம் எச்.ஜே.எம்.சி. அமித் ஜயசுந்தரவினால் இந்த அறிவிப்பு விடுக்கப்பட்டுள்ளது.

இது தொடர்பான நீதிமன்ற உத்தரவு, கடந்த 31 ஆம் திகதி வழங்கப்பட்டமை குறிப்பிடத்தக்கது.

( ஐ. ஏ. காதிர் கான் )