மடகாஸ்கர் கிரிக்கெட் தொடரில் பேருவளை அணி வெற்றி

பேருவளை இரத்தினக்கல் வர்த்தகர் கிரிகெட் அணிக்கும், இரத்தினபுரி இரத்தினக்கல் வர்த்தகர் கிரிக்கெட் அணிக்குமிடையே மடகஸ்கர் நாட்டில் நடைபெற்ற கிரிக்கெட் போட்டியில் பேருவளை இரத்தினக்கல் வர்த்தகர் அணி வெற்றி பெற்று 2024 செம்பியன் கிண்ணத்தை சுவீகரித்துக் கொண்டுள்ளது.

இரத்தினபுரி இரத்தினக்கல் வர்த்தகர் கிரிக்கெட் அணி இரண்டாவது வருடமாக ரோலண்ட் ஜெம் ரூபி வெற்றிக் கிண்ணத்திற்காக இந்த அணிக்கு 8 பேர் கிரிக்கெட் சுற்றுப்போட்டியை இலாக்காவில் ஏற்பாடு செய்தமை குறிப்பிடத்தக்கது.

இச்சுற்றுப் போட்டியில் பல அணிகள் பங்கு பற்றியதோடு, இறுதிப் போட்டிக்கு பேருவளை அணியும், இரத்தினபுரி அணியும் தெரிவாகின.

5 ஓவர் கொண்ட இச்சுற்றுப் போட்டியின் இறுதிப்போட்டியில் முதலில் துடுப்பெடுத்தாடிய இரத்தினபுரி அணி 5 விக்கட் இழப்புக்கு 70 ஓட்டங்களைப் பெற்றுக் கொண்டதோடு, பேருவழை அணி 3 விக்கட் இழப்புக்கு 71 ஓட்டங்களைப் பெற்று செம்பியனாக தெரிவானது.

2023 ஆம் ஆண்டு நடைபெற்ற இறுதிப் போட்டியிலும் இந்த இரு அணிகளும் மோதியதோடு, பேருவளை அணி வெற்றி பெற்றமை இங்கு குறிப்பிடத்தக்க அம்சமாகும்.

(பேருவளை பீ.எம் முக்தார்)