டிசம்பர் 4 இல் உயர்தர பரீட்சை மீண்டும் ஆரம்பம்

சீரற்ற காலநிலை காரணமாக மூன்று நாட்களுக்கு இடை நிறுத்தப்பட்டிருந்த க.பொ.த.உயர்தர பரீட்சைகள் டிசம்பர் 4 ஆம் திகதியே மீண்டும் ஆரம்பமாகுமென பரீட்சைகள் ஆணையாளர் நாயகம் அமித் ஜயசுந்தர தெரிவித்தார்.

இன்று காலை இடம்பெற்ற பத்திரிகையாளர் மாநாட்டின் போதே அவர் இவ்வாறு தெரிவித்தார். சீரற்ற காலநிலை தணிந்துள்ள போதிலும் பாதிக்கப்பட்டுள்ள மாணவர்களின் நலன் கருதி இந்த முடிவை எடுக்க நேர்ந்ததாகவும் அவர் மேலும் தெரிவித்தார்.