மரமொன்று வீழந்துள்ளதால் அனுராதபுரம் – கொழும்பு வீதியில் போக்குவரத்து தடை

அனுராதபுரம் கொழும்பு பிரதான வீதியில் புத்தளம் சிரம்பிஅடி பகுதியில் பாரிய மாரமொன்று வீழ்ந்துள்ளதால் போக்குவரத்து தடை ஏற்பட்டுள்ளது.

இவ்வாறு வீழ்ந்துள்ள மரத்தை வெட்டி அகற்றும் பணி ஆரம்பிக்கப்பட்டுள்ளதாக பொலிசார் தெரிவித்தனர்.

அத்துடன் கொழும்பு யாழ்ப்பாணம் ஏ 09 வீதியில் ஓமந்தை பகுதி நீரில் மூழ்கியுள்ள நிலையில் மாற்று வழிகளை பயன்படுத்துமாறு பொலிசார் சாரதிகளிடம் வேண்டுகோள் விடுத்துள்ளனர்.

அதன்படி மாற்று வழியாக கெப்பித்திகொல்லாவ ,வெலிஓய , முல்லைத்தீவு மற்றும் பரந்தன் ஊடாக மதவாச்சி, செட்டிகுளம் மன்னார் ஊடாக யாழ்ப்பாணம் வரை பயணிக்க முடியும் என பொலிசார் தெரிவித்துள்ளனர்.

(எம்.ரீ.ஆரிப் அநுராதபுரம்)