பஸ்ஸுடன் மோதிய மோட்டார் சைக்கிள்.தந்தை பலி.மகள் காயம்.

தந்தை ஒருவரும் பள்ளி மாணவியும் பயணம் செய்த மோட்டார் சைக்கிள் பாடசாலை பஸ்சுடன் மோதி விபத்துக்குள்ளானதில் தந்தை உயிரிழந்துள்ளார்.

அனுராதபுரம் வலிசிங்க ஹரிச்சந்திர மாவத்தையில் விபத்து இடம்பெற்றுள்ளதாக அனுராதபுரம் தலைமையக பொலிசார் தெரிவித்தனர்.

அனுராதபுரம் இசுறுபுர பகுதியைச் சேர்ந்த சம்பத் வடுகே என்ற 56 வயதுடைய கால்நடை அபிவிருத்தி ஆலோசகராகரே உயிரிழந்துள்ளார்.

உயிரிழந்தவரின்  17 வயதுடைய மகள் விபத்தில் காயமடைந்த நிலையில் அனுராதபுரம் போதனா வைத்தியசாலையில் அனுமதிக்கப்பட்டுள்ளார்.

பாடசாலை பஸ் அனுராதபுரம் மணிக்கூட்டு கோபுர பகுதியில் இருந்து அனுராதபுரம் வைத்திசாலை பகுதிக்கு சென்று கொண்டிருந்த போது உயிரிழந்தவர் பயணித்த மோட்டார் சைக்கிள் குறுக்கு வீதியில் இருந்து பிரதான வீதிக்கு நுழையும் போது விபத்து இடம்பெற்றுள்ளது.

சம்பவத்துடன் தொடர்புடைய பஸ்ஸின் சாரதி கைது செய்யப்பட்டுள்ளார்.

(எம்.ரீ.ஆரிப் அநுராதபுரம்)