இலங்கை எதிர் நியூஸிலாந்து முதல் ஒருநாள் போட்டி; இலங்கை முதலில் துடுப்பெடுத்தாடத் தீர்மானம்

நியூஸிலாந்து மற்றும் இலங்கை அணிகளுக்கு இடையிலான 3 ஒருநாள் போட்டிகள் கொண்ட தொடரின் முதல் போட்டியில் நாணயச்சுழற்சியில் வெற்றி பெற்ற இலங்கை அணித்தலைவரான சரித் அசலங்க முதலில் துடுப்பாட்டத்தை தேர்வு செய்துள்ளார்.

இவ்விரு அணிகளுக்கும் இடையிலான வெள்ளைப்பந்துத் தொடர்களில் ஏற்கனவே 2 போட்டிகள் கொண்ட ரி20 தொடரில் இரு அணிகளும் ஒவ்வொரு வெற்றிகளைப் பெற்று கிண்ணத்தை பகிர்ந்து கொண்டது. இந்நிலையில் 3 போட்டிகள் கொண்ட ஒருநாள் தொடரின் முதல் போட்டி இன்று (13) தம்புள்ளை ரங்கிரி மைதானத்தில் பகளிரவு ஆட்டமாக இடம்பெருகிறது.

இலங்கை அணியானது நியூசிலாந்து அணியுடன் கடந்த 2015 டிசம்பரில் ஒருநாள் போட்டியில் வெற்றியீட்டியதன் பின்னர் இன்றுவரையில் 9 ஆண்டுகளாக 8 போட்டிகளில் தொடர் தோல்வியை சந்தித்து வருகிறது. எனினும் தற்போது இலங்கை அணி சிறந்த பார்மில் காணப்படுவதால் இன்றைய ஆட்டத்தில் வெற்றிபெறும் என்ற எதிர்பார்ப்பு உள்ளது.