மலையக முஸ்லிம் வானொலி ஒலிபரப்புச் சேவையின் விருதுகள் வழங்கும் நிகழ்வு

இலங்கை வானொலி மலையக முஸ்லிம் வானொலி ஒலிபரப்புச் சேவையின் பங்குபற்றுதலுடன் கவிதை சாரல் நிகழ்ச்சித் தொகுப்பாளர் திருமதி சிமாரா அலியின் ஏற்பாட்டில் இந்நிகழ்ச்சியில்(ஒலிப்பதிவு) பங்குபற்றி வெற்றிபெற்ற மாணவ சிறார்களுக்கு பரிசளிப்புடன் மலையக முஸ்லிம் வானொலி சேவையில் பங்காற்றியவர்களை கெளரவித்து விருதுகள் வழங்கிவைக்கும் நிகழ்வு கடந்த 3ந்திகதியன்று கம்பளை சாஹிரா பாடசாலை மஹ்மூத் மண்டபத்தில் நடைபெற்றது.

இதன்போது இவ்வானொலி சேவையின் பொருப்பாளரும் கொழும்பு முஸ்லிம்சேவை நிகழ்ச்சித் தயாரிப்பாளருமான ஏ.எம்.ரலீம் மலையக வானொலி சேவை உதவி பணிப்பாளர் கே.ஜயசூரிய உட்பட முக்கிய பிரமுகர்கள் அறிவிப்பாளர்கள் பெற்றோர் எனப் பலரும் கலந்துகொண்டனர்

இந்நிகழ்வில் மாணவர்களது சீன பாதுகாப்பு “குங்பூ” விளையாட்டுடன் கலாசார நிகழ்வும் மேடையேற்றப்பட்டமை குறிப்பிடத்தக்கது.

(உக்குவளை நிரூபர்)