கண்டி டீ.எஸ். கல்லூரியின் மதில் இடிந்து வீழ்ந்துள்ளது

கண்டியில் பெய்து வரும் கனமழையின் காரணமாக கண்டி டீ.எஸ் சேனநாயக்க கல்லூரியின் மண்ணரிப்பைத் தடுக்கும் வகையில் கட்டப்பட்டிருந்த பாரிய மதிலொன்று இடிந்து வீழ்ந்துள்ளது.

இதனால் கல்லூரியின் பல வகுப்பறைகள் சேதத்துக்குள்ளாகின.கண்டியில் தொடர்ந்தும் மழை நீடித்தால் இக்கல்லூரியின் ஆரம்பப் பி ரிவு கட்டடங்களுக்கு சேதமேற்படும் அபாயம் உள்ளதாக கல்லூரி அதிபர் ஆனந்த உபதிஸ்ஸ அறிவித்துள்ளார்.

இக்கல்லூரி கண்டி வலயக் கல்விப் பணிமனைக்கு அருகிலுள்ள கல்லூரி என்பது குறிப்பிடத்தக்கது.

(ரஷீத் எம். றியாழ்)