மீலாத் தின கவிதைப் போட்டியில் பங்கேற்றவர்களுக்கான பரிசில் வழங்கும் நிகழ்வு

இலங்கை வானொலி கந்துரட்ட(கண்டி) முஸ்லிம் ஒலிபரப்பு சேவையில் நடாத்தப்பட்ட மீலாத் தின கவிதைப் போட்டியில் பங்குபற்றிய சிறார்களைப் பாராட்டி பரிசில்கள் வழங்கும் நிகழ்வு நவம்பர் 03 ந்திகதியன்று கம்பளை சாஹிரா கல்லூரி மஹ்மூத் மண்டபத்தில் காலை 10.00 மணிமுதல் 12.30 மணிவரை நடைபெறவுள்ளது

இக்கல்லூரி அதிபர் ஏ.எம்.அப்ஸான் தலைமையில் நடைபெறவுள்ள இந்நிகழ்வில் பிதம அதிதியாக கந்துரட்ட வானொலி நிலைய உதவி பணிப்பாளர் கே.பி .ஜயசூரிய கெளரவ அதிதியாக கண்டி- மாத்தளை வை.எம்.எம்.ஏ. சம்மேளன பணிப்பாளர் இஹ்சான் எம்.ஹுசைன்தீன் சிறப்பு அதிதியாக கொழும்பு வானொலி முஸ்லிம் சேவை நிகழ்ச்சித் தயாரிப்பாளர் ஏ.எம். ரலீம் மற்றும் கந்துரட்ட முஸ்லிம்சேவை “மின்னும் மின்மினிகள்” சிறுவர் நிகழ்ச்சித் தொகுப்பாளர் திருமதி சிமாரா அலி ஆகியோருடன் அறிவிப்பாளர் திருமதி சாஹிரா மற்றும் வானொலி அபிமானிகள் எனப் பலரும் கலந்துகொள்ளவுள்ளனர்

இந்நிகழ்வில் கந்துரட்ட வானொலி முஸ்லிம் சேவையில் திருமதி சிமாரா அலி தொகுத்து வழங்கும் “மின்னும் மின்மினிகள்” எனும் சிறுவர் சிறப்பு கவிதா நிகழ்ச்சி ஒலிப்பதிவு செய்யப்படவுள்ளமை குறிப்பிடத்தக்கது.

(உக்குவளை நிருபர்)