ஓட்டமாவடி தேசிய பாடசாலை மாணவன் ஆகிப் அஹமட் தேசிய மட்டப் போட்டிக்குத் தெரிவு

ஓட்டமாவடி தேசிய பாடசாலையில் தரம் ஆறில் கல்வி கற்கும் மாணவன் ஆகிப் அஹமட் தேசிய மட்டப் போட்டிக்கு தெரிவு செய்யப்பட்டுள்ளதாக பாடசாலையின் அதிபர் அல்ஹாஜ் எம்.ஏ.ஹலீம் இஸ்ஹாக் தெரிவித்தார்.

குறித்த மாணவன் மாகாண மட்ட சிங்களப் பேச்சுப் போட்டியில் பங்குபற்றி முதலிடம் பெற்று தேசிய மட்டப் போட்டிக்குத் தெரிவு செய்யப்பட்டுள்ளார்.

தேசிய மட்டப் போட்டிக்கு தெரிவாகி பாடசாலைக்கும் பிரதேசத்திற்கும் பெருமை சேர்த்த மாணவனுக்கும் பயிற்சியளித்த ஆசிரியர்களுக்கும் பாடசாலை அதிபர் பாராட்டி வாழ்த்துக்களை தெரிவித்துள்ளதுடன், மாணவன் தேசிய மட்டத்திலும் சாதனை படைக்க பிரார்த்தனைகளைப் புரிந்துள்ளார்.

இம் மாணவன் ஓட்டமாவடி தேசிய பாடசாலையின் பிரதி அதிபர் எம்.ரீ.எம்.றியாஸ் நளீமி மற்றும் ஓட்டமாவடி தாருல் உலூம் வித்தியாலய ஆசிரியை எப். பர்ஸானா ஆகியோரின் புதல்வராவார்.

(எச்.எம்.எம்.பர்ஸான்)