கண்டியில் சூடு பிடிக்கும் தேர்தல் பிரசாரம்
கண்டியிலும் கண்டியைச் சூழவுள்ள பல இடங்ளிலும் தேர்தல் பிரசார நடவடிக்கைககள் சூடு பிடிக்கத் தொடங்கியுள்ளன.
குறிப்பாக சிறுபான்மை வேட்பாளர்கள் தத்தது பிரசார நடவடிக்கைககளில் தீவிரமாக ஈடுபட்டதை நேற்றைய தினம் அவதானிக்க முடிந்தது.
கண்டி, கம்பளை, அக்குறணை, உடதலவின்னை, மடவளை, தெல்தோட்டை, பள்ளேகம உடுநுவர, தெல்தெனிய முதலான பல இடங்களிலும் சிறுபான்மை வாக்குகளை இலக்கு வைத்து வேட்பாளர்கள் பிரசார நடவடிக்கைகளில் ஈடுபட்டதை அவதானிக்க முடிந்தது.
தொலைபேசி, சிலிண்டர், திசைகாட்டி, மொட்டு, ஒலிவாங்கி, உட்பட சுயேட்சை சின்னமான பந்து முதலான படங்களுடனும் பதாகைகளுடனும் ஆதரவாளர்கள் இப்பிரதேச நகர வீதிகளை ஆக்கிரமித்திருந்தனர்.
தெல்தோட்டை கலஹா பிரதேசங்களில் மேள தாள வாத்தியக் கருவிகளுடன் நகரில் கட்சி ஆதரவாளர்கள் களம் இறங்கியிருந்தமை குறிப்பிடத்தக்கது.
(ரஷீத் எம். றியாழ்)