கொழும்பு வெல்லம்பிட்டியில் ஸீறத்துன் நபி மீலாத் சிறப்பு நிகழ்ச்சி

இர்ஷாத் ஏ காதர் நற்பணி மன்றம்,இலங்கை வானொலி முஸ்லிம் சேவையுடன் இணைந்து வழங்கும் “ஸீறத்துன் நபி மீலாத் சிறப்பு நிகழ்ச்சி” எதிர்வரும் 27ஆம் திகதி ஞாயிற்றுக்கிழமை காலை நடைபெறவுள்ளது.

வெல்லம்பிட்டி கித்தம்பஹுவ வீதியிலுள்ள சனுவின் அர்கம்பாய் பங்கியுல் மண்டபத்தில் காலை பத்து மணிக்கு ஆரம்பமாகும்.இந்நிகழ்வுக்கு இலங்கை ஒலிபரப்புக் கூட்டுத்தாபன முஸ்லிம் சேவைப் பணிப்பாளர் எம.ஜே.எப்.ரினூஷியா தலைமை தாங்க முன்னிலை பிரமுகர்களாக ஜே.ஜே.பௌண்டேசன் பணிப்பாளர் கலாநிதி ஐ.வை.எம். ஹனீப் மற்றும் இர்ஷாத் ஏ காதர் நற்பணி மன்ற தலைவர் இர்ஷாத் ஏ காதர் பங்கு கொள்ளும் இந்நிகழ்வில், ஜாமிய்யா நளீமிய்யா கலாசாலை, இஸ்லாமிய கற்கைகள் பீட சிரேஷ்ட விரிவுரையாளர் பீடாதிபதி அஷ்ஷெய்க் எஸ்.எச்.எம்.பளீல் (நளீமி) சிறப்பு பயானை நிகழ்த்தவுள்ளார்.

இலங்கை ஒலிபரப்புக் கூட்டுத்தாபன முஸ்லிம் சேவையில் ஒலிபரப்பாகிவரும் சஞ்சாரம் புகழ் கலாபூசணங்களான திக்வல்லை சப்வான்,மஹ்தி ஹசன் இப்றாஹிம்,ஞெய் றஹீம் சஹீட் மற்றும் சில்மியா ஹாதி ஆகியோரின் பங்கு பற்றுதலுடன் கதை நேரப்புகழ் கலைஞர்களான ஸஹ்ரா இஸ்பஹான்,இஸ்ஸா மர்யம் ஆகியோர் கலந்து சிறப்பிக்கவுள்ளனர்.