ஆய்வு ரயில் இயந்திரத்தில் 60 லீட்டர் பெற்றோல் திருட்டு.பொலிஸ் விசாரணைகள் ஆரம்பம்.

மஹவ _ அனுராதபுரம் வரை நவீன மயப்படுத்தப்பட்டு வரும் வடக்கு ரயில் பாதை ஆய்வுக்கு வந்த ஆய்வு ரயில் இயந்திரத்தில் இருந்து 60 லீட்டர் டீசல்  தொகையை திருடிய சம்பவம் தொடர்பில் விசாரணைகளை ஆரம்பித்துள்ளதாக அனுராதபுரம் தலைமையக பொலிஸார் தெரிவித்தனர்.

குறித்த புகையிரதம் அனுராதபுரம் புகையிரத நிலையத்தில் மூன்றாவது ஓடு பாதையில் நிறுத்தி வைக்கப்பட்டிந்ததாக அனுராதபுரம் பொலிசார் தெரிவித்தனர். அந்த புகையிரதம் அன்றைய தினம் மீண்டும் திரும்பி செல்வதாக நேர அட்டவணையில் குறிப்பிடப்பட்டிருந்த போதும் மறுநாள் பயணிப்பதற்கு பொறுப்பு வாய்ந்தவர்கள் நடவடிக்கை மேற்கொண்டிருந்தனர்.

இந்நிலையில் அனுராதபுரம் புகையிரத நிலையத்துக்கு சற்று தொலைவில் அமைந்துள்ள மைதானத்தில் டீசல் நிரப்பப்பட்ட இரண்டு களன்களை பொலிசார் கைப்பற்றியுள்ளதுடன் அதில் 60 லீட்டர் டீசல் இருந்தாகவும் அதனை வழக்கு பொருளாக்கப்பட்டுள்ளதாகவும் பொலிசார் தெரிவித்தனர்.

குறித்த சம்பவம் தொடர்பில் புகையிரத பாதுகாப்பு பிரிவின் உறுப்பினர் ஒருவர் தொடர்பு என தகவல் கிடைத்துள்ளதாக பொலிசார் தெரிவித்தனர்.

அதனுடன் தொடர்புடைய ஏனைய சந்தேக நபர்களை கைது செய்வதற்கு பொலிசார் விசாரணைகளை மேற்கொண்டுள்ளனர்.

(எம்.ரீ.ஆரிப் அநுராதபுரம்)