அந்தரவெவ விபத்தில் ஒருவர் பலி.

நொச்சியாகம பொலிஸ் பகுதியில் அந்தரவெவ பிரதேசத்தில் இடம்பெற்ற வாகன விபத்தில் ஒருவர் உயிரிழந்துள்ளார்.

முச்சக்கர வண்டியும் வேனும் நேருக்கு நேர் மோதி இந்த விபத்து இடம்பெற்றுள்ளது.

முச்சக்கர வண்டி ஓட்டுனர் உயிரிழந்துள்ளதாக பொலிசார் தெரிவித்தனர்..

விபத்து இடம்பெற்ற சந்தர்ப்பத்தில் ஓட்டுனரின்  மகள் ,மகன் மற்றும் பாடசாலை மாணவி ஒருவரும் பயணித்துள்ளனர். 

விபத்தில் காயமடைந்த முச்சக்கர வண்டி ஓட்டுனரின் மகள் அனுராதபுரம் போதனா வைத்தியசாலை அதி தீவிர சிகிச்சை பிரிவில் சிகிச்சை பெற்று வருவதுடன் காயமடைந்த ஏனைய இருவரும் அனுராதபுரம் வைத்தியசாலையில் சிகிச்சை பெற்று வருகின்றனர்.

சம்பவம் தொடர்பில் மேலதிக விசாரணைகளை நொச்சியாகம பொலிசார் மேற்கொண்டு வருகின்றனர்.

(எம்.ரீ.ஆரிப் அநுராதபுரம்)