“சிறந்த செய்தியாளர்” விருது பெற்றார் ஊடகவியலாளர் எம்.எஸ்.எம்.ஸாகிர்

சாதனை படைத்த பல்துறை இலங்கை ஆளுமைகளுக்கு ஸ்கை தமிழ் விருது வழங்கிக் கௌரவிக்கும் விழாவில், ஊடகத்துறையில் 15 வருடங்களுக்கு மேற்பட்ட சேவையைக் கௌரவிக்கும் முகமாக பல்துறைக்கலைஞர், ஊடகவியலாளர், கலைச்சுடர் எம்.எஸ்.எம்.ஸாகிர் சிறந்த செய்தியாளருக்கான விருது வழங்கிக் கௌரவிக்கப்பட்டார்.

நவமணிப் பத்திரிகையில் சுமார் 15 வருடங்களுக்கு மேற்பட்ட காலங்கள் ஆசிரியர் பீடத்தில் ஊடகவியலாளராக இவர் பணியாற்றியுள்ளார்.

ஸ்கை தமிழ் பணிப்பாளர் ஜே.எம்.பாஸித் தலைமையில் இடம்பெற்ற இந்நிகழ்வில், இலங்கை ஒலிபரப்புக்கூட்டுத்தாபன ஆலோசகர், இலக்கியப் புரவலர் ஹாஸிம் உமர் மற்றும் தினகரன் பிரதம ஆசிரியர் செந்தில் வேலவர் ஆகியோர் இணைந்து இவ்விருதை வழங்கி வைத்தனர்.

( எம்.எஸ்.எம்.ஸாகிர் )