போலிக்கருத்துக் கணிப்புக்களை நம்பவேண்டாம்..! எச்சரிக்கையாக இருங்கள்..! – மஹிந்த தேசப்பிரிய

“போலிக் கருத்துக் கணிப்புக்கள் குறித்து வாக்காளர்கள் எச்சரிக்கையாக இருக்க வேண்டும்” என, முன்னாள் தேர்தல்கள் ஆணையாளர் மஹிந்த தேசப்பிரிய வேண்டுகோள் விடுத்துள்ளார்.
போலியான கருத்துக் கணிப்புக்களுக்கும், உண்மையான கருத்துக் கணிப்புக்களுக்கும் இடையிலான வித்தியாசத்தை, அடையாளம் காண்பது கடினமான விடயம்” எனவும் அவர் தெரிவித்துள்ளார்.
“இதன் காரணமாக, வாக்காளர்கள் எச்சரிக்கையுடன் இருக்கவேண்டும்” எனவும் அவர் குறிப்பிட்டுள்ளார்.
இது குறித்து அவர் மேலும் தெரிவித்துள்ளதாவது,
“ஐரோப்பிய ஒன்றியத்தால் மேற்கொள்ளப்பட்டதாகக் கூறப்படும் மற்றும் சமூக ஊடகங்களில் பரவி வரும் கருத்துக்கணிப்புக்கள், தேர்தல் செயல்முறையை ஒழுங்குபடுத்தும் விதிமுறைகளுக்கு எதிரானவை.
ஐரோப்பிய ஒன்றியம் ஒரு அறிக்கையை வெளியிட்டு, அது ‘தேர்தல் கருத்துக் கணிப்புக்களை மேற்கொள்ளவில்லை’ என்றும், ‘இவ்வாறாகப் பரப்பப்படும் கணிப்புக்கள் பொய்யானவை’ என்றும் கூறியுள்ளது.
இதேவேளை, தேர்தல்கள் ஆணைக்குழு, “வாக்களிப்பவர்கள் கணிப்புக்கள் தொடர்பான தவறான தகவல்கள் பற்றி எச்சரிக்கையாக இருக்குமாறும், தேர்தல் முடிவுகளை எடுக்கும்போது போலித் தகவல்கள் மூலம் தவறாக வழி நடத்தப்பட வேண்டாம்” என்றும் கேட்டுக் கொண்டுள்ளது.
“இது ஒரு சந்தைப்படுத்தல் முயற்சியாகும். அவர்கள் இந்தப் பொதுக் கருத்துக் கணிப்புக்களுக்காக மனிதர்களை எவ்வாறு தேர்வு செய்கிறார்கள் என்பதற்கான விவரங்களை, அவர்கள் வெளியிடுவதில்லை. இந்தப் போலி கருத்துக்கணிப்புக்களின் நோக்கம், அவர்களது வாக்காளர் அடிப்படையை அதிகரிப்பதாகும். ஒருவர் மேலே வரும்போது, மற்றொருவர் கீழே செல்லும்போது, அவர்களுக்கு வாக்குகள் அதிகரிக்கும்.
அவர் மேலும் தவறான தகவல்களைப் பயன்படுத்தி வாக்காளர்களைத் தவறாக வழி நடத்துவது, முக்கியமான சமூக அரசியல் விவகாரங்களில் நம்பிக்கையின்மையை வளர்த்து, உண்மையை மறைக்கும் அபாயத்தை உருவாக்குகிறது.
பொய்யான மற்றும் உண்மையான கருத்துக் கணிப்புக்களைப் பிரித்தறிவது கடினமாக இருக்கிறது. அது குறித்த உண்மையை கற்பனைக்கு மாற்றுவது பொதுமக்களின் பொறுப்பாகும்” என்றும் அவர் மேலும் சுட்டிக்காட்டியுள்ளார்.

( ஐ. ஏ. காதிர் கான்)