சஜித்தின் வெற்றிக்காக பாடுபடுவேன் – மஹியங்கனையில் ஹக்கீம் முழக்கம்

சஜித்தின் வெற்றிக்காக இம்முறை பாடுபடப்போவதாக, ஶ்ரீ லங்கா முஸ்லிம் காங்கிரஸ் தலைவர் ரவூப் ஹக்கீம், மஹியங்கனையில் இடம்பெற்ற ஐக்கிய மக்கள் சக்தி கூட்டத்தில் தெரிவித்தார்.

சஜித் பிரேமதாஸவின் தேர்தல் பிரசாரக் கூட்டம் நேற்று (12) மஹியங்கனையில் இடம்பெற்றபோது, அங்கு உரையாற்றும்போதே அவர் மேற்கண்டவாறு கூறினார்.

இங்கு மேலும் உரையாற்றிய அவர், “அம்பாறை, மட்டக்களப்பு , திருகோணமலை மட்டுமல்லாமல், அதனை அண்டிய சிங்களப் பகுதிகள் உள்ளிட்ட மூலை முடுக்குகள் எல்லாவற்றிற்கும் சென்று, சஜித் பிரேமதாஸவுக்கு வாக்குச் சேகரிக்கவுள்ளேன்.

மேலும், முஸ்லிம் வாக்குகளோடு நின்று விடாமல், தமிழ் சிங்கள வாக்குகளையும் பெற்றுக்கொள்ள உழைக்கப்போகின்றேன்” என்றார்.

( ஐ. ஏ. காதிர் கான் )