ஜனாதிபதி வேட்பாளர் தொடர்பில் மொட்டுக் கட்சியில் இன்று முக்கிய கலந்துரையாடல்..! ஜனாதிபதி ரணிலுக்கு பெரும்பான்மையான  மொட்டுக் கட்சி பாராளுமன்ற உறுப்பினர்கள் ஆதரவு..!

எதிர்வரும் ஜனாதிபதித் தேர்தலுக்கான வேட்பாளரை தெரிவு செய்வதற்கான ஸ்ரீலங்கா பொதுஜன பெரமுனவின் நிறைவேற்று சபையின் விசேட கலந்துரையாடல் இன்று (29) மாலை 4.00 மணிக்கு விஜேராம மாவத்தையில் உள்ள முன்னாள் ஜனாதிபதியின் இல்லத்தில் கட்சியின் தலைவர் மஹிந்த ராஜபக்ஷவின் தலைமையில் நடைபெற்றது.

ஶ்ரீலங்கா பொதுஜன பெரமுனவின் பெரும்பான்மையான நாடாளுமன்ற உறுப்பினர்கள் பகிரங்கமாக தமது ஆதரவை வெளிப்படுத்தியிருப்பதுடன், கட்சியினால் வேட்பாளரை முன்வைக்க வேண்டும் என ஏனையோர் கருத்து வெளியிட்டுள்ளனர்.

ஸ்ரீலங்கா பொதுஜன பெரமுன இரண்டாக பிளவுபடுவதா அல்லது ஒன்றாக முன்னோக்கி செல்வதா இல்லையா என்பது குறித்து இந்த கலந்துரையாடலில் தீர்மானிக்கப்படும் என அரசியல் வட்டாரங்கள் தெரிவிக்கின்றன.

கடந்த வாரம் ஸ்ரீலங்கா பொதுஜன பெரமுனவின் 12 மாவட்டத் தலைவர்களும் 18 அமைச்சர்களும் 30 பாராளுமன்ற உறுப்பினர்களும் பல இடங்களில் கலந்துரையாடி ஜனாதிபதி தலைமையிலான அரசாங்கத்தின் பொருளாதார வேலைத்திட்டத்திற்கு ஆதரவளிக்க தீர்மானித்ததாக அரசியல் வட்டாரங்கள் தெரிவித்தன.

அத்துடன் கடந்த வியாழன் அன்று பாராளுமன்றத்தில் முப்பதுக்கும் மேற்பட்ட பாராளுமன்ற உறுப்பினர்கள் முன்னாள் ஜனாதிபதி மஹிந்த ராஜபக்ஷவை சந்தித்து ஜனாதிபதி தலைமையிலான அரசாங்கத்தின் பொருளாதார வேலைத்திட்டத்திற்கு இந்த நேரத்தில் ஆதரவளிக்க வேண்டும் என தெரிவித்திருந்தனர்.

எனவே இந்த தருணத்தில் கட்சியினால் வேறு வேட்பாளர்கள் முன்வைக்கப்பட்டால் கட்சி பிளவுபடும் என முன்னாள் ஜனாதிபதியிடம் சுட்டிக்காட்டியுள்ளனர்.

இந்த நேரத்தில் கட்சியில் இருந்து வேட்பாளரை முன்வைக்க வேண்டாம் என விரும்புவதாக முன்னாள் ஜனாதிபதி ராஜபக்‌ஷ தெரிவித்துள்ளார்.

இதேவேளை, வெள்ளிக்கிழமை நெலும் மாவத்தையில் நடைபெற்ற ஸ்ரீலங்கா பொதுஜன பெரமுனவின் ஆசன அமைப்பாளர்களின் மாநாடும் மிகவும் காரசாரமாக மாறியுள்ளதாக அந்த அறிக்கையில் தெரிவிக்கப்பட்டுள்ளது.

அத்துடன் கடந்த சனிக்கிழமை ஜனாதிபதி ஆலோசகர் சாகல ரத்நாயக்க மற்றும் அமைச்சர் சுசில் பிரேம ஜயந்த ஆகியோர் முன்னாள் ஜனாதிபதியை சந்தித்து ஜனாதிபதி தேர்தலில் வேட்பாளரை நிறுத்த வேண்டாம் என கோரிக்கை விடுத்துள்ளனர்.

கடந்த பாராளுமன்றத் தேர்தலில் ஶ்ரீலங்கா பொதுஜன பெரமுனவைச் சேர்ந்த 112 பேர் பாராளுமன்றத்திற்குத் தெரிவு செய்யப்பட்டவர்கள் ஜனாதிபதி தலைமையிலான அரசாங்கத்திற்கு ஆதரவளித்து வருகின்றனர்.

இதில் 90 எம்.பி.க்கள் மொட்டுக் கட்சி உறுப்பினர்கள் என்பதுடன் அவர்கள் மொட்டு சின்னத்தில் தேர்தலில் போட்டியிட்டு நேரடியாக பாராளுமன்றத்திற்கு தெரிவு செய்யப்பட்டுள்ளனர்.

அரசாங்கத்திற்கு ஆதரவளிக்கும் மேலும் 22 பாராளுமன்ற உறுப்பினர்கள் மொட்டுச் சின்னத்தில் அல்லது தேசியப் பட்டியலில் இருந்து  பாராளுமன்றத்திற்கு தெரிவு செய்யப்பட்ட  ஏனைய அரசியல் கட்சிகளை பிரதிநிதித்துவப்படுத்தியவர்கள் அல்லது தேசியப் பட்டியலை பிரதிநிதித்துவப்படுத்துகின்றனர். மக்கள் ஐக்கிய முன்னணியை பிரதிநிதித்துவப்படுத்தும் 03 பாராளுமன்ற உறுப்பினர்கள், ஜனநாயக இடதுசாரி முன்னணியின் 01 பாராளுமன்ற உறுப்பினர், ஐக்கிய மக்கள் கட்சியின் 01 பாராளுமன்ற உறுப்பினர், இலங்கை தொழிலாளர் காங்கிரஸின் 02 பாராளுமன்ற உறுப்பினர்கள், 09 ஸ்ரீலங்கா சுதந்திரக் கட்சி (நிமல் சிறிபால டி சில்வா அணி)  புதிய கூட்டணியின் எம்.பி.க்கள் 05, முஸ்லிம் தேசியக் கட்சியைச் சேர்ந்த 01 எம்.பி.க்கள் இவ்வாறு அரசாங்கத்திற்கு ஆதரவளித்துள்ளனர். இவர்கள் அனைவரும் ஜனாதிபதி ரணில் விக்கிரமசிங்கவுக்கு தமது ஆதரவை தெரிவித்துள்ளனர்.

 மேலும் பதினொரு எம்.பி.க்கள் அரசாங்கத்திற்கு ஆதரவளித்து வருவதுடன் அவர்கள் அனைவரும் தற்போது ஜனாதிபதி ரணில் விக்கிரமசிங்கவிற்கு ஆதரவளித்து வருகின்றனர்.

அவர்கள் மொட்டுடன் கூட்டணி வைத்துள்ளனர். ஈ.பி.டி.பி கட்சிக்கு 02 எம்பிக்கள், தமிழ் மக்கள் விடுதலை புலிகள் கட்சிக்கு 01 எம்.பி, ஐக்கிய மக்கள் சக்தி 04 எம்பிக்கள், கந்துரட்ட ஜனதா பெரமுனவுக்கு 01 எம்பிக்கள், அகில இலங்கை மக்கள் காங்கிரஸுக்கு 01 எம்.பி, ஐக்கிய தேசியக் கட்சி 01, தேசிய காங்கிரஸுக்கு 01 எம்.பிக்கள் என  அந்த 11 எம்.பி.க்களும் பிரிந்துள்ளனர்.

எதிர்வரும் ஜனாதிபதித் தேர்தலில் ஜனாதிபதி ரணில் விக்கிரமசிங்க தலைமையிலான அரசாங்கத்திற்கு ஆதரவளிப்பதாக இவர்கள் அனைவரும் ஏற்கனவே அறிவித்துள்ளனர்.

மேலும், ஸ்ரீலங்கா பொதுஜன பெரமுனவின் 90 எம்.பி.க்களில் ஜனாதிபதிக்கு கிட்டத்தட்ட 75 எம்.பி.க்களின் ஆதரவு இருப்பதாக நாடாளுமன்ற உறுப்பினர் மஹிந்தானந்த அளுத்கமகே ஏற்கனவே தெரிவித்திருந்தார்.