இந்திய கடற்படைக் கப்பலான கமோர்டாவில் இடம்பெற்ற யோகா நிகழ்வு

இந்திய கடற்படையினால் உள்நாட்டிலேயே வடிவமைக்கப்பட்டு கட்டமைக்கப்பட்ட நீர்மூழ்கி எதிர்ப்பு போர் (ASW) கார்வெட்டான இந்திய கடற்படை கப்பல் கமோர்டா ஜூன் 20 ஆம் திகதி அன்று திருகோணமலையை வந்தடைந்தது. வந்தவுடன், இந்திய கடற்படைக் கப்பலின் கட்டளை அதிகாரி, கமாண்டர் பிரசாந்த் குமார் மிஸ்ரா கிழக்கு கடற்படை தளபதி ரியர் அட்மிரல் BAKSP பனாகொடவை சந்தித்தார்.

10வது சர்வதேச யோகா தினத்தைக் குறிக்கும் வகையில், இந்திய உயர் ஸ்தானிகராலயம் மற்றும் உயர் ஸ்தானிகராலயத்தின் கலாச்சாரப் பிரிவான சுவாமி விவேகானந்தா கலாசார நிலையம் (SVCC), திருகோணமலை துறைமுகத்தில், ஜூன் 21, 2024 அன்று வருகை தரும் INS கமோர்டாவில் யோகா நிகழ்வை ஏற்பாடு செய்திருந்தது. இந்த நிகழ்வில் சிரேஷ்ட பாதுகாப்பு மற்றும் சிவிலியன் படிநிலையினர் மற்றும் இலங்கை ஆயுதப்படையைச் சேர்ந்த பணியாளர்கள் கலந்துகொண்டனர். கிழக்கு மாகாண ஆளுநர் கௌரவ. செந்தில் தொண்டமானும் இந்நிகழ்வில் கலந்துகொண்டார்.

இந்திய உயர்ஸ்தானிகராலயம் மற்றும் இலங்கை கடற்படையின் ஒருங்கிணைப்புடன் திருகோணமலை துறைமுகத்தில் பாடசாலை மாணவர்களின் வருகைக்காகவும் பின்னர் பொதுமக்களுக்காகவும் கப்பல் திறக்கப்பட்டது. மேலும், கப்பல் இலங்கையில் தங்கியிருக்கும் போது இலங்கை கடற்படையுடன் பல்வேறு தொழில்முறை தொடர்புகளை மேற்கொள்ளும். 23 ஜூன் 24 அன்று கப்பல் புறப்படும் போது, ​​திருகோணமலையில் இருந்து இலங்கை கடற்படை கப்பலுடன் கடல்சார் கூட்டாண்மை பயிற்சி திட்டமிடப்பட்டுள்ளது. இந்த கப்பல் திருகோணமலை கடற்கரையை சுத்தம் செய்தல் மற்றும் இராணுவ மற்றும் சிவில் நிர்வாகத்தின் உயர் அதிகாரிகளுக்கான வரவேற்பு போன்ற நடவடிக்கைகளை மேற்கொள்ளும்.

சர்வதேச யோகா தினத்தை (IDY-2023) கொண்டாடுவதற்காக இந்திய கடற்படை நீர்மூழ்கிக் கப்பல் கடந்த ஆண்டு கொழும்புக்கு வந்திருந்தது நினைவிருக்கலாம். இலங்கையில் இந்திய கடற்படை கப்பல்கள் மற்றும் நீர்மூழ்கிக் கப்பல்களின் வருகைகள், இந்தியாவின் ‘அண்டை நாடுகளின் முதல்’ கொள்கை மற்றும் பிராந்தியத்தில் உள்ள அனைவருக்கும் (SAGAR) பாதுகாப்பு மற்றும் வளர்ச்சியின் பார்வைக்கு ஏற்ப இரு அண்டை நாடுகளின் கடற்படைகளுக்கு இடையே சகோதரத்துவத்தையும் ஒற்றுமையையும் வளர்ப்பதை நோக்கமாகக் கொண்டுள்ளது.