டிபி எடியுகேசன் ஐ.டீ கெம்பஸ் இன்று ஏறாவூரில் உதயமாகியது.

இன்று ஏறாவூரில் ஆரம்பிக்கப்பட்ட டிபி எடியுகேசன் ஐ.டி கெம்பஸ் ஏறாவூரில் அமைந்துள்ள இஷாஅத்துல் இஸ்லாம் பள்ளிவாயல் கட்டிடத்தொகுதியில் உத்தியோகபூர்வமாக திறந்து வைக்கும் நிகழ்வு இளங்கலைப்பட்டதாரிகள் சங்கத்தின் தலைவர் ஏ.எம்.மஹ்சூம் தலைமையில் இடம்பெற்றது.

டிபி எடியுகேசன் ஐ.டி கெம்பஸ் உத்தியோக பூர்வமாக ஆரம்பித்து வைக்கும் நிகழ்விற்கு பிரதம அதிதியாக டிபி எடியுகேசன் கல்வி நிலையத்தின தவிசாளர் முன்னாள் அமைச்சர் கெளரவ பாராளுமன்ற உறுப்பிரும் தொழிலதிபருமான தம்மிக்க பெரேரா அவர்களின் கரங்களால் 20/05/2024 திங்கள்கிழமை இன்று திறந்து வைக்கப்பட்டது.

இன்றைய நிகழ்வின் கெளரவ அதிதிகளாக முன்னாள் கிழக்குமாகாண ஆளுனர் எம்.எல்.ஏ.எம். ஹிஸ்புல்லாஹ் அவர்களும் மட்டக்களப்பு மாவட்ட கெளரவ பாராளுமன்ற உறுப்பினர் செய்யித் அலிஸாஹிர் மெளலானா அவர்களும் மற்றும் ஏறாவூர் நகர பிரதேச செயலாளர் திருமதி.நிஹாறா மெளஜுத் அவர்களும் கலந்து சிறப்பித்தனர்.

இன்றைய நிகழ்வில் பாடசாலை அதிபர்கள் ,ஆசிரியர்கள், மாணவர்கள்,பெற்றோர்கள், ஊரின் முக்கியஸ்தர்கள், பொதுமக்கள் என பலர் கலந்து கொண்டனர்.

தேசியரீதியில் கோடீங் போட்டியில் வெற்றிபெற்ற அலிகார் தேசிய பாடசாலை மாணவர்களுக்கான கௌரவிக்கும் நிகழ்வும் பிரதம அதிதியின் கரங்களால் இடம்பெற்றது.

நிகழ்வின் முடிவில் பாராளுமன்ற உறுப்பினரும் பிரபல வர்த்தகருமான தம்மிக்க பெரேரா அவர்களுக்கு பொன்னாடை போற்றி நினைவுச்சின்னமும் வழங்கி வைக்கப்பட்டதுடன் மட்டக்களப்பு மாவட்டத்தில் ஓட்டமாவடி,ஏறாவூர் ,காத்தான்குடி என மூன்று பிரதேசங்களிலும் ஒரே நாளில் டிபி ஐடீ கெம்பஸ் பாராளுமன்ற உறுப்பினர் முன்னாள் அமைச்சர் தம்மிக்க பெரேரா அவர்களின் கரங்களால் திறந்து வைக்கப்பட்டமை குறிப்பிடத்தக்கது .

(உமர் அறபாத் -ஏறாவூர்)