“வலம்புரி கவிதா வட்டத்”தின் 100 ஆவது கவியரங்க விழாவும், “வகவக் கவிதைகள்” நூல் வெளியீடும் – 2024-05-26- ஞாயிறு கொழும்பில்..!

“வகவம்” எனும் “வலம்புரி கவிதா வட்டத்”தின் 100 ஆவது கவியரங்க விழாவும் “வகவக் கவிதைகள்” நூல் வெளியீடும், எதிர்வரும் 26 ஆம் திகதி ஞாயிற்றுக்கிழமை பி.ப. 3.30 மணிக்கு, கொழும்பு – 07, ஜே.ஆர். ஜயவர்தன நிலையத்தில் நடைபெறும்.
“வலம்புரி கவிதா வட்டத்” தலைவர் என். நஜ்முல் ஹுசைன் தலைமையில் நடைபெறும் இச்சிறப்பு நிகழ்வில் பிரதம அதிதியாக, ஈஸ்வரன் பிரதர்ஸ் அதிபர் திரு. கணேஷ் ஈஸ்வரன்
கலந்து கொள்கிறார்.
“வகவ” சிரேஷ்ட ஸ்தாபகர், சத்திய எழுத்தாளர் எஸ். ஐ. நாகூர் கனி முன்னிலை வகிக்கிறார்.
சிறப்பு அதிதிகளாக தினகரன்/தினகரன் வாரமஞ்சரி பிரதம ஆசிரியர் தே. செந்தில் வேலவர், வீரகேசரி/வீரகேசரி வார வெளியீடு பிரதம ஆசிரியர் ஸ்ரீகஜன்,  தமிழன்/தமிழன் ஞாயிறு வெளியீடு பிரதம ஆசிரியர் சிவா ராமசாமி, “ஞானம்” ஆசிரியர் டாக்டர் தி. ஞானசேகரன், இலங்கை ஒலிபரப்புக் கூட்டுத்தாபன முஸ்லிம் சேவைப் பணிப்பாளர் எம்.ஜே. பாத்திமா ரினூஷியா, கெப்பிட்டல் டிவி/கெப்பிட்டல் எfப்.எம். பிரதானி ஷியாஉல் ஹசன் ஆகியோர் கலந்து கொள்கின்றனர்.
சட்டத்தரணி சுகந்தி இராஜகுலேந்திரா விசேட பேச்சாளராக பங்கேற்கிறார்.
“கலாபூஷணம்”, “தமிழ்த்தென்றல்” அலி அக்பர் தலைமையில் 100 ஆவது கவியரங்கம் இடம்பெறும். இச்சிறப்பு நிகழ்வின் போது, “வகவ”க் கவிஞர்களின் கவிதைத் தொகுப்பான “வகவக் கவிதைகள்” நூல் வெளியீடும் இடம்பெறும். “வகவ”ப் பொருளாளர் ஈழகணேஷுக்கு “வகவ” விருதும் வழங்கப்படும். “வலம்புரி கவிதா வட்ட”ச் செயலாளர் இளநெஞ்சன் முர்ஷிதீன் நிகழ்ச்சிகளைத் தொகுத்து வழங்குகிறார்.

( ஐ. ஏ. காதிர் கான் )