பலமிக்க ஈரானை வீழ்த்தி வரலாறு படைத்தது இலங்கை கரப்பந்தாட்ட அணி.

இஸ்லாமாபாத் நகரில் நேற்று இடம்பெற்ற ஆடவர்களுக்கான மத்திய ஆசிய கரப்பந்தாட்ட சங்க லீக் போட்டியில் பலமிக்க ஈரான் அணியை 3:0 என்ற நேர் செட்களில் வீழ்த்தி வரலாறு படைத்தது இலங்கை அணி.

பாகிஸ்தானின் இஸ்லாமாபாத் நகரில் இம்மாதம் 9ஆம் திகதியிலிருந்து 18ஆம் திகதி வரை நடைபெறவுள்ள ஆடவர்களுக்கான மத்திய ஆசிய கரப்பந்தாட்ட சங்க லீக் தொடரில் நேற்று இடம்பெற்ற ஈரான் அணிக்கு எதிரான போட்டியில் ஆரம்பம் முதலே எதிரணியான ஈரான் அணிக்கு பலத்த போட்டியைக் கொடுத்த இலங்கை வீரர்கள், போட்டியின் முதல் செட்டை 25:22 என்ற புள்ளிகள் அடிப்படையில் வெற்றி கொண்டு முன்னிலை பெற்றது.

தொடர்ந்து இடம்பெற்ற இரண்டாவது செட்டில் தமது ஆதிக்கத்தை நிலை நிறுத்திய இலங்கை வீரர்கள் 25:17 என வெற்றி கொண்டதுடன் 3ஆவது தீர்மானமிக்க செட்டை 25:21 என்ற புள்ளிகள் அடிப்படையில் வெற்றி கொண்டதுடன் பலமிக்க ஈரான் அணியை முதல் முறைநயாக இலங்கை அணி 3:0 என்ற நேர் செட்கள் அடிப்படையில் வெற்றியீட்டி அசத்தியது.

(அரபாத் பஹர்தீன்)