சிலோன் மீடியா போரத்தினால் “உங்களால் உங்கள் வீட்டுக்கு பெருமை” என பெண் ஆளுமைகள் கெளரவிப்பு..!
சிலோன் மீடியா போரத்தின் தலைவர் கலாநிதி றியாத் ஏ.மஜீத் தலைமையில் மூன்று கட்டங்களாக இக்கௌரவிப்பு நிகழ்வு இடம்பெற்றது. முதற்கட்டமாக காலையில் இடம்பெற்ற நிகழ்வுக்கு பிரதம அதிதியாக நீதிக்கான மய்யத்தின் தலைவர் சட்டமுதுமானி சஹ்பி எச்.இஸ்மாயில் கலந்து கொண்டார். இரண்டாம் கட்டமாக மாலையில் இடம்பெற்ற நிகழ்வுக்கு பிரதம அதிதியாக பொலன்நறுவ மாவட்ட நீர்ப்பாசனத் திணைக்கள பிரதம பொறியியலாளர் எந்திரி எம்.எஸ்.எம். நவாஸ் கலந்து கொண்டார். மூன்றாம் கட்டம் ஞாயிற்றுகிழமை (10) இடம்பெற்றது.
இதன்போது மருத்துவம், கவிதை, கட்டுரை, எழுத்து, ஊடகம் மற்றும் கல்வித்துறையில் பிரகாசிக்கும் பெண் ஆளுமைகளான கல்முனை மஹ்மூத் மகளிர் கல்லூரி அதிபர் நஸ்மியா சனூஸ், கல்முனை பிராந்திய சுகாதார சேவைகள் பணிப்பாளர் டாக்டர் ஸஹிலா இஸ்ஸதீன், அல்-ஸுஹரா வித்தியாலய அதிபர் எம்.எச்.எஸ். ரஜினுல் மஜீதியா, சாய்ந்தமருது பிரதேச செயலக சமுர்த்தி வங்கிச் சங்க அபிவிருத்தி உத்தியோகத்தர் ஏ.எப். றிகாஸா ஷர்பீன், அல்-அக்ஸா வித்தியாலய பிரதி அதிபர் ஏ. றெஜினா, சிறுவர் உரிமை பாதுகாப்பு அபிவிருத்தி உத்தியோகத்தர் ஏ.எம். கஸ்பியா வீவி, அபிவிருத்தி உத்தியோகத்தர் எம்.எம்.எப். சுமைய்யா, எம்.ஐ.ஹைறுன் நிஸா, ஊடகவியலாளர் ஆசிரியை சுல்பிகா ஷரீப் ஆகியோரை வீடு தேடிச் சென்று சிலோன் மீடியா போரத்தினர் கௌரவித்தனர்.
இந்நிகழ்வுகளில் தலைவர் கலாநிதி றியாத் ஏ.மஜீத், பிரதித் தலைவர் எம்.வை. அமீர், பொதுச் செயலாளர் ஏ.எஸ்.எம்.முஜாஹித், பொருளாளர் நூருல் ஹுதா உமர், பிரதிச் செயலாளர் எம்.எம்.ஜபீர், நிறைவேற்று சபை உறுப்பினர் எம்.என்.எம். அப்ராஸ் உள்ளிட்ட குழுவினர் சான்றுப்பத்திரம் மற்றும் அன்பளிப்பு பரிசுகள் வழங்கி கெளரவித்தனர்.
